„Þetta er náttúrulega stór skellur en miðað við hvernig einstaka liðum í verkáætluninni hefur verið að seinka, þá er þetta ekki eitthvað sem manni bregður við,“ segir Sindri Freyr Ásgeirsson, formaður Samtaka um bíllausan lífstíl, um seinkun verkloka fyrstu lotu borgarlínunnar.

Í uppfærðri áætlun sem kynnt var á þriðjudag kem­ur fram að áætlað sé að legg­ur­inn frá Hamra­borg að miðbæ verði til­bú­inn árið 2026 og legg­ur­inn frá Ártúns­höfða að miðbæn­um verði til­bú­inn ári síðar. Upp­haf­lega var von­ast til þess að fram­kvæmda­lok fyrstu lot­unn­ar yrðu árið 2025.

Sindri bendir á að mjög ítarleg tímalína hafi verið í frumdrögum verkáætlunar borgarlínunnar, sem hefur ekki staðist hingað til.

„Þannig að auðvitað er þetta leiðinlegt,“ bætir hann við.

Frétt af mbl.is

Seinka verklokum fyrstu lotu borgarlínunnar

Vonast til að spýtt verði í lófana

Hann segist þó bíða spenntur eftir borgarlínunni og vonast til þess að hægt sé að spýta aðeins í lófana.

„Eins og það er hægt að tefja borgarlínuna þá hlýtur að vera hægt að flýta henni með auknu fjármagni,“ segir Sindri.

Þá segir hann ýmislegt vera í boði fyrir þá sem vilja lifa bíllausum lífstíl þar til borgarlínan kemur.

„Strætó, hjóla, labba og svo eru nú fínustu deililausnir, bæði hlaupahjólin og deilibílarnir,“ segir Sindri og bætir við:

„Þú átt ekki að hugsa þetta sem af eða á, þú átt bara að reyna að minnka bílnotkunina þína og lifa einhvern veginn almennt umhverfisvænum lífstíl.“

Tengdar fréttir

Borgarlínan

Fagnar brú sem hann áður gagnrýndi

• „Þetta verður gerbylting“
• Framkvæmdir hafnar við Fossvogsbrú
• Áætluð verklok Fossvogsbrúar árið 2028
• Framkvæmdir við borgarlínu hefjast á morgun

» Fleiri tengdar fréttir

• Blogga um frétt