„Danmörk er friðsæll staður og Kaupmannahöfn er örugg. Fólk er slegið yfir þessum atburðum,“ segir Helga Hauksdóttir, sendiherra Íslands í Danmörku. Þrír létust og fjórir særðust alvarlega í skotárás í verslunarmiðstöðinni Field's í Kaupmannahöfn í gær. 

Frétt af mbl.is

Vildu komast til Íslands eftir árásina

„Við erum með prest starfandi fyrir íslenska söfnuðinn og hann er með starfsstöð hér í íslenska sendiráðinu. Hann verður til taks ef fólk óskar þess,“ segir Helga. 

Helga Hauksdóttir sendiherra Íslands í Danmörku. Ljósmynd/Utanríkisráðuneytið

Íslendingar á staðnum 

Helga segir fólk slegið yfir atburðum helgarinnar. Íslendingar hafa haft samband við sendiráðið ýmist til þess að komast aftur heim eða til þess að fá áfallahjálp. 

„Það voru Íslendingar á staðnum. Þeir voru ekki margir en auðvitað er fólk skelkað,“ segir hún og bætir við að sendiráðið viti ekki til þess að neinn Íslendingur hafi slasast. 

Tónleikum Harry Styles sem fara áttu fram í dag, var frestað vegna árásarinnar. Þó haldast sumir hlutir í fyrra horfi í borginni. Til dæmis var umferðin ósköp venjuleg þegar sendiherrann fór til vinnu í morgun en Field's hefur verið lokað vegna vettvangsrannsókna. Árásarmaðurinn hefur verið yfirheyrður og er hvorki talið að um hryðjuverk né hatursglæp hafi verið að ræða.

Frétt af mbl.is

Þrír látnir og fjórir alvarlega særðir

Rannsókn málsins stendur yfir og árásarmaðurinn hefur verið yfirheyrður. AFP

Tengdar fréttir

Skotárás í Field's í Kaupmannahöfn

Sagður hafa íhugað að ráðast á leikskóla

• Skotmaðurinn í Field's ákærður
• Alhæfing elur á fordómum og ótta
• Snorri kom konu til bjargar inni í Field's
• Minntust fórnarlamba skotárásar

» Fleiri tengdar fréttir

• Blogga um frétt