„Okkar afstaða er sú að okkur þykir þetta mikið betri farvegur en gamla kjararáð var og með þessu var verið að stíga það skref að gera þetta á hliðstæðan hátt og í nágrannalöndum okkar,“ segir Eyjólfur Árni Rafnsson, formaður Samtaka atvinnulífsins (SA), um nýlegar hækkanir á launum kjörinna fulltrúa og æðstu embættismanna ríkisins.

Segir Eyjólfur Árni að rangt sé að tala um vísitölubundnar hækkanir í þessu samhengi, enda fyrirfinnist slíkt fyrirkomulag í launaþróun ekki hér á landi, en núverandi aðferð tók við af kjararáði þegar það var lagt niður árið 2018.

Frétt af mbl.is

Efast um að fólk vilji binda laun við vísitölu

Eyjólfur Árni segir launabreytingu þessa hóps taka mið af Hagstofu sem mælir launaþróun opinberra starfsmanna á hverju ári. „Þessi aðferðafræði, sem er nú notuð við að ákvarða launabreytingu þessa hóps, tók við af kjararáði og byggist hún á mælingu á launaþróun opinberra starfsmanna. Þessir aðilar eru að fá sína launabreytingu ári á eftir öðrum þar sem breytingin byggist á ársgömlum upplýsingum. Þannig að þetta er ekki vísitöluhækkun,“ segir Eyjólfur.

Lesa má nánar um málið í Morgunblaðinu í dag. 

Tengdar fréttir

Kjaraviðræður

Hefja undirbúning verkfalla

• Staðan óljós eftir fund kennara og sveitarfélaga
• „Fram að því er heimavinna“
• Verkföll í framhaldsskólum gætu orðið ótímabundin
• „Nú gilda reykfylltu bakherbergin“

» Fleiri tengdar fréttir