Vigdís sækir um stöðu bæjarstjóra

Vigdís Hauksdóttir, fyrrverandi borgarfulltrúi Miðflokksins, er á meðal þeirra sem sækjast eftir stöðu bæjarstjóra Hveragerðis. 

Auk hennar sækjast þeir Glúmur Baldvinsson, formaður Frjálslynda lýðræðisflokksins, og Karl Gauti Hjaltason fyrrverandi þingmaður, eftir embættinu.

Hveragerði birti í dag lista yfir umsækjendur um stöðu bæjarstjóra en í bænum mynda Okkar Hveragerði og Framsóknarflokkurinn meirihluta. Aldís Hafsteinsdóttir, fráfarandi bæjarstjóri, leitar á önnur mið og mun taka við sem sveitarstjóri Hrunamannahrepps.

Umsækjendur voru eftirfarandi:

• Ágúst Örlaugur Magnússon - Vaktstjóri
• Geir Sveinsson - Sjálfstætt starfandi
• Glúmur Baldvinsson - Sjálfstætt starfandi
• Jón Aron Sigmundsson - Sjálfstætt starfandi
• Karl Gauti Hjaltason - Fyrrv. þingmaður
• Karl Óttar Pétursson - Lögmaður
• Kolbrún Hrafnkelsdóttir - Forstjóri
• Konráð Gylfason - Framkvæmdastjóri
• Kristinn Óðinsson - CFO
• Lína Björg Tryggvadóttir - Skrifstofustjóri
• Magnús Björgvin Jóhannesson - Framkvæmdastjóri
• Matthildur Ásmundardóttir - Fyrrv. bæjarstjóri
• Sigurður Erlingsson - Stjórnarformaður
• Sigurgeir Snorri Gunnarsson - Eftirlaunaþegi
• Valdimar O. Hermannsson - Fyrrv. sveitarstjóri
• Vigdís Hauksdóttir - Fyrrv. borgarfulltrúi
• Þorsteinn Þorsteinsson - Deildarstjóri
• Þórdís Sif Sigurðardóttir - Fyrrv. sveitarstjóri
• Þröstur Óskarsson - Sérfræðingur

• Blogga um frétt