Lögreglunni á höfuðborgarsvæðinu barst tilkynning frá vegfaranda í vikunni um áttavilltan lunda á vappi í Suðurhlíðunum. 

Í færslu á facebook-síðu lögreglunnar segir að ekki hafi fylgt tilkynningunni hvort að hann hafi verið særður. 

Gæfur í höndum lögreglu

„Við sendum að sjálfsögðu tvo lögreglumenn snarlega á staðinn til að kanna málið frekar. Eftir stutta leit fannst lundinn. Hann var ánægður að sjá okkur og var hinn gæfasti í höndum lögreglu,“ segir í færslunni. 

Þar segir einnig að ákveðið hafi verið að fara með lundann til dýrahirðis í Húsdýragarðinn þar sem vel hafi verið tekið á móti honum og viðeigandi ráðstafanir gerðar. 

„Lundinn var mjög rólegur og hæst ánægður með bílferðina í lögreglubílnum,“ segir enn frekar í færslunni. 

Tengdar fréttir

Krúttleg dýr

Fengu tilkynningu um furðulega hegðun aðila í bleiku pilsi

• Sjaldgæfur gestur í Seljahverfi
• Íslenski fjárhundurinn viðurkenndur í Bretlandi
• 8 ára drengur bjargaði kettlingi frá kattaníðingum
• Fengu óvæntan gest inn um strompinn

» Fleiri tengdar fréttir

• Blogga um frétt