Loka Austurvegi til austurs vegna framkvæmda

Til stendur að fræsa akrein á Austurvegi á Selfossi að kvöldi til annað kvöld og aðfaranótt þriðjudags.

Veginum verður lokað til austurs og hámarkshraði lækkaður framhjá framkvæmdasvæðinu. Þá verða viðeigandi merkingar og hjáleiðir settar upp, að því er fram kemur í tilkynningu.

Áætlað er að framkvæmdirnar standi frá kl. 19 til 01.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin séu þröng og menn og tæki við vinnu mjög nálægt akstursbrautum.

Framkvæmdum frestað á Vesturlandsvegi

Áform voru uppi um að fræsa og malbika akrein á Vesturlandsvegi til austurs á milli suðurlandsvegar og Ulfarsfellsvegar í kvöld og aðfararnótt mánudags en þeim framkvæmdum  hefur verið frestað.

Frétt af mbl.is

Þrengja Vesturlandsveg vegna framkvæmda

• Blogga um frétt