„Baráttan verður að halda áfram“

Staða kvenna í samfélaginu er best á Íslandi á alþjóðavísu, þrettánda árið í röð, ef marka má röðun Alþjóðaefnahagsráðsins (e. World Evonomic Forum). 

Ráðið birtir árlega lista þar sem löndum er raðað upp á grundvelli stöðunnar á kynjajafnrétti í hverju landi fyrir sig. Mun­ur á stöðu karla og kvenna er skoðaður út frá fjór­um sviðum: Efna­hags­legri þátt­töku, tæki­fær­um til mennt­un­ar, vald­efl­ing­ar í stjórn­mál­um og heil­brigði.

Ísland hefur bætt sig frá því í fyrra, en í ár mælist hér 90,8 prósenta jafnrétti. Þar með er Ísland fyrsta og eina landið til þess að brjóta 90 prósenta múrinn. 

Þórdís Kolbrún Reykfjörð Gylfadóttur utanríkisráðherra kveðst glöð að sjá Ísland halda sæti sínu efst á listanum. 

„Heimurinn er betri þegar við fáum öll tækifæri til þess að hafa áhrif. Því miður sjáum við merki þess að jafnrétti sé að dragast saman á mörgum stöðum svo baráttan verður að halda áfram,“ skrifar Þórdís Kolbrún í færslu á Twitter. 

• Blogga um frétt