Heiða Björg vill líka formannsembættið

Heiða Björg Hilmisdóttir, borgarfulltrúi og varaformaður Samfylkingarinnar, býður sig fram til formanns Sambands íslenskra sveitarfélaga. 

„Ég þekki sambandið vel, hef verið varaformaður sl. 4 ár og veit að mín þekking og reynsla gæti nýst vel í þessu hlutverki,“ skrifar Heiða Björg á Facebook-síðu sína.

Fyrr í dag greindi Rósa Guðbjarts­dótt­ir, bæj­ar­stjóri Hafn­ar­fjarðar, frá því að hún sæktist eftir embættinu.

Frétt af mbl.is

Rósa sækist eftir formannsstóli SÍS

Þurfi að þjappa saman landsbyggð og höfuðborg

„Ég vil halda áfram að nútímavæða sambandið og opna það sem samráðs- og samstarfsvettvang sveitarstjórnarfólks. Formaður Sambandsins þarf að tala fyrir þeirri framþróun sem við viljum sjá í íslensku samfélagi, þar eru sveitarfélögin lykilaðilar. Við þurfum að auka samstarf við landshlutasamtök, þjappa saman landsbyggð og höfuðborg því okkar markmið falla vel saman,“ skrifar Heiða Björg.

„Það þarf að klára tekjuskiptingu þannig við séum fær um að veita þá öflugu þjónustu sem við viljum veita. Þannig byggjum við upp öfluga og spennandi byggð um allt land, húsnæði, atvinnu, menntun og velferð.“

• Blogga um frétt