Ingibjörg og Jón Ásgeir höfðu betur gegn Sýn

Héraðsdómur Reykjavíkur féllst ekki á kröfu Sýnar hf. á hendur Ingibjörgu Pálmadóttur, Jóni Ásgeiri Jóhannessyni og 365 miðlum hf. á grundvelli samkeppnisákvæða í kaupsamningi Sýnar við 365 frá 14. mars. 2017. Krafist var um greiðslu á 1.140 milljónir auk verðbóta.

Ingibjörg, Jón Ásgeir og 365 miðlar voru sýknuð, en Sýn var gert að greiða eina milljón í málskostnað fyrir hvern.

Sýn keypti Stöð 2, Bylgj­una og Vísi í mars 2017 og taldi fyr­ir­tækið að sam­keppnisákvæði í kaup­samn­ingi Sýn­ar við 365 hefði verið brot­in, til dæm­is að til­tekn­ir þætt­ir í starf­semi vef­miðils­ins fretta­bla­did.is sam­rým­ist ekki þeim skuld­bind­ing­um sem fram komu í þeim samn­ingi.

Sýn tapaði 1,7 milljörðum króna árið 2018. Stór ástæða slæmrar afkomu Sýnar, sem og versnandi afkoma milli ára, var niðurfærsla á viðskiptavild sem rekja má til á fjölmiðla 365 miðla. Ingibjörg Pálmadóttir var stærsti eigandi félagsins þegar viðskiptin voru gerð, en Jón Ásgeir Jóhannesson eiginmaður hennar.

• Blogga um frétt