Íslendingar halda sig inni í danskri hitabylgju

Hitastig í Danmörku hefur farið yfir 30 gráður í dag, en í það minnsta var hitastigsmet í júlí slegið.

Áslaug Guðrún Egilsdóttir er búsett í smábænum Gorlev á Vestur-ströndinni og segir flesta halda sig inni til að forðast hitann.

Danir kæla sig á ýmsan hátt

Hún segir fólk hafa ýmsar leiðir til að kæla sig í hitanum, en mikla leti legið í loftinu,: „Flestir halda sig inni, en sumir fara á ströndina til að kæla sig og t.d. hafa þeir sem eiga sundlaugar leyft fólki að koma í þær.“

„Veðurappið hjá mér segir að hitinn séu 34 gráður, en hitamælirinn á pallinum okkar, sem er í skugga allan daginn, mælir 36 gráður.“ 

Frétt af mbl.is

Mest 17 gráður hér en hitameti spáð í Danmörku

Fjölmiðlar í Danmörku hafa undanfarna daga varað við yfirvofandi hitabylgju og m.a. áminnt gæludýraeiguendur að fylgjast með heilsu þeirra. 

„Of heitt fyrir Íslending eins og mig“

Áslaug flutti til Danmerkur árið 2018 þegar svipuð hitabylgja gekk yfir,: „Þá var ég í sirka sömu sporum og lá í sófanum með vifturnar í gangi, en þetta er of heitt fyrir Íslending eins og mig.“

Hún segir fólk ná í litlu í verk í þessu hitastigi og erfitt sé að njóta sólarinnar,: „Þetta er óbærilegur hiti og algjör letidagur, við höfum bara legið upp í sófa að horfa á Tour de France og huggað okkur við það að vera ekki að hjóla í þessum hita.“

Á morgun á hitastigið í Danmörku að lækka niður um nokkrar gráður og segir Áslaug það ákveðna huggun fyrir íbúa. 

• Blogga um frétt