Sérsveitin kölluð út vegna misskilnings

Sérsveitin og lögreglan voru kölluð út í hverfi 105 fyrr í dag vegna tilkynningar um konu sem var með hníf á lofti. 

Kemur þó fram í dagbók lögreglunnar á höfuðborgarsvæðinu að málið hafi verið byggt á misskilningi og að það hafi verið leyst á staðnum.

Tvö vinnuslys

Tvö vinnuslys voru tilkynnt til lögreglunnar í dag. Annað var í hverfi 220 og hitt var í hverfi 201. Bæði voru færð á slysadeild til aðhlynningar.

Í hverfi 101 var tilkynnt um aðila í annarlegu ástandi og var sá vistaður í fangaklefa. Þá var tilkynnt um grunsamlegar mannaferðir í hverfi 101.

• Blogga um frétt