„Hefði orðið mikið lottó“

Bráðabirgðabrú, sem notuð er í stað ókláraðrar brúar við Jökulsá á Sólheimasandi, hefur hingað til staðið af sér mikla vatnavexti sem urðu í kjölfar úrhellisrigningar á Suðurlandi og víðar í dag.

Óvíst var hvort brúin stæði af sér vatnavextina og var því gripið til aðgerða, sem reyndust nauðsynlegar, að sögn Ágústs Bjartmarssonar, yfirverkstjóra Vegagerðarinnar í Vík í Mýrdal.

Frétt af mbl.is

Óljóst hvort brúin muni standa af sér vatnavextina

„Virðist hafa dugað“

„Þetta virðist hafa dugað. Ef ekkert hefði verið gert, þá hefði það verið mikið lottó,“ segir hann.

Rigningin er farin að minnka á svæðinu og er ekki útlit fyrir að neinar skemmdir hafi orðið á brúnum undir Eyjafjöllum eftir vatnavextina.

Mokað var undan bráðabirgðabrúnni við Jökulsá og þannig opnað betur fyrir vatnsflauminn, en ný brú við ána er enn í smíðum.

Myndavél Veðurstofunnar er staðsett á svæðinu og verður fylgst grannt með vatnavöxtum í nótt.

• Blogga um frétt