Óhefðbundið skilti á leið til landsins
Setja bókamerki
Þess má vænta að senn rísi skilti til að merkja Kænugarð, eða svokallað Kýiv-torg, sem stendur á gatnamótum Garðastrætis og Túngötu.
Ólöf Örvarsdóttir, sviðsstjóri umhverfis- og skipulagsviðs Reykjavíkurborgar, segir skiltið tilbúið en að verið sé að bíða eftir að það berist til landsins.
Úkraínskt-íslenskt hönnunarpar
Í fyrri frétt mbl.is um málið var greint frá gagnrýni Ólafs Stephensen, framkvæmdastjóra Félags atvinnurekenda, þar sem hann benti á að ekkert skilti væri að sjá á téðu torgi þrátt fyrir að tillaga þess efnis hefði verið samþykkt fyrir þremur mánuðum í umhverfis- og skipulagsráði borgarinnar.
„Ástæða þess að þetta er búið að taka þennan tíma er vegna þess að Reykjavíkurborg fékk hönnunarstofu til að hanna skiltið. Skiltið verður um 297x420 millímetrar að stærð og það er úkraínskt-íslenskt hönnunarpar sem hannaði það," segir Ólöf í samtali við mbl.is.
Að sögn Ólafar var þörf á að senda skiltið út fyrir landsteinana svo að hægt væri að fá það emelerað, til að það gæti þolað alla veðrun. Reykjavíkurborg bíður nú eftir skiltinu en það er komið í sendingu.
„Það er að koma. Áætlaður flutningstími verksins er á milli 25. júlí til 2. ágúst, þannig að þess má vænta á næstu dögum.“
Blóm, sól og skjaldamerki
Ólöf kveðst spennt fyrir frumsýningu verksins. Um fallega hönnun sé að ræða með skírskotun til Úkraínu og Íslands. Skiltið er að sögn hennar svolítið óhefðbundið miðað við það sem við höfum séð hér á landi, þar sem það ber keim af myndmáli Úkraínu.
„Það eru mjúkar línur í því og blóm og sól. Svo er skjaldarmerki.“
Biðin sé senn á enda og að Reykjavíkurborg hafi viljað vanda til verka við gerð skiltisins.
„Það þarf einhverja viðhorfsbreytingu“
Tillögu um styttri kjarasamning ekki svarað
„Hefur tekist að virkja fólkið í landinu með okkur“
Andlát: Ellert B. Schram
Með þeim stærri sem hafa mælst
Afleit aðstaða varðar þjóðaröryggi
„Hann neitaði ekki sök á þessum fundi“
Bráðabirgðalögbann á Trump