TikTok-stjarna deilir myndbandi úr vélinni

TikTok-stjarna og húðflúrari, sem notast við notendanafnið Winniethejroo á samfélagsmiðlinum, var um borð í flugvélinni sem var snúið við á leið sinni frá Frankfurt í Þýskalandi til Seattle í Bandaríkjunum og lent á Keflavíkurflugvelli vegna sprengjuhótunar á mánudaginn.

Frétt af mbl.is

Segir ringulreið hafa gripið um sig í flugvélinni

Winniethejroo er með um 1,5 milljónir fylgjenda á Tiktok.

Hann deilir myndskeiði af því þegar flugvélinni var snúið við og er það eins og stendur með hátt í milljón áhorf og hafa 67 þúsund manns lækað myndskeiðið.

Engum hafi verið hleypt á salerni

Winniethejroo segir að hann og aðrir farþegar hafi verið teknir í gíslingu af lögreglunni og að engum hafi verið leyft að fara á salerni.

Því er þó mótmælt í athugasemdum við myndskeiðið.

Þá sést þegar lögreglan tók mynd af hverjum og einasta farþega.

Úlfar Lúðvíksson, lögreglustjóri hjá lögreglunni á Suðurnesjum, segir í samtali við mbl.is í dag að það sé venjuleg framkvæmd í kjölfar sprengjuhótunar. 

Allir farþegar flugvélarinnar þurftu að skilja eftir handfarangur sinn á flugbrautinni en lögreglan leitaði í öllum farangrinum. Ljósmynd/Aðsend

• Blogga um frétt