Bólusetning gegn apabólu farin af stað
Veronika Steinunn Magnúsdóttir
Setja bókamerki
Ísland fékk 40 bóluefnaskammta gegn apabólu frá Danmörku nýverið og voru þeir gefnir í þessari viku.
Von er á fleiri bóluefnaskömmtum gegn apabólu frá Evrópusambandinu, að sögn Guðrúnar Aspelund, yfirlæknis á sviði sóttvarna hjá embætti landlæknis.
Bóluefnið sem um ræðir er frá Jynneos og er skráð til notkunar fyrir fullorðna við bólusótt en talið er að það veiti einnig vernd gegn apabólu.
Von er á að minnsta kosti 1.400 skömmtum til landsins af bóluefni Jynneos.
Gefið áhættuhópum
Gert er ráð fyrir að bólusetning verði boðin þeim sem verða útsettir fyrir apabólu, sérstaklega einstaklingum með undirliggjandi ónæmisbælingu og heilbrigðisstarfsmönnum.
Evrópusambandið hefur annast kaup á bóluefninu. Því er úthlutað til þeirra þjóða sem taka þátt í Evrópusamstarfinu HERA og EU4health og er úthlutunin hlutfallsleg í samræmi við íbúafjölda hverrar þjóðar.
Nýtt apabólusmit greindist á landinu í gær en tíu hafa greinst með veiruna hér á landi.
Bjarni: „Útilokað að þetta geti gengið upp“
Funda með þingflokkum
Stormur á Þorláksmessu en víðast hvar stefnir í hvít jól
„Þetta er ríkisstjórn almannahagsmuna“
Skattamál verði líklega „þeirra mesta klemma“
Ók á hóp fólks á jólamarkaði: Einn látinn
