Flytja heilsugæsluna að hluta í Árbæ

Hluti af starfsemi Heilsugæslunnar í Grafarvogi fer nú einnig fram í Árbænum eftir að flytja þurfti stöðina úr húsnæði sínu vegna nauðsynlegra umbóta. 

Á meðan umbætur standa yfir mun hefðbundin starfsemi heilsugæslunnar fara fram á tveimur stöðum, í Spönginni og í Hraunbæ. Þá verða blóðrannsóknir framkvæmdar í aðstöðu Heilsugæslu Árbæjar.

Í tilkynningu á vef Heilsugæslu höfuðborgarsvæðisins segir að leitast verði við að sinna öllum skjólstæðingum stöðvarinnar þrátt fyrir breytingarnar en á næstu vikum og mánuðum verður farið í stefnumótunarvinnu, unnið í að bæta mönnun lækna og stefnt að því að stórbæta þjónustu Heilsugæslu Grafarvogs.  

Hér fyrir neðan má sjá nánari upplýsingar um hvernig skipulaginu verður háttað:

• Spöngin 37, 2. hæð (sami inngangur og Sjúkraþjálfun Grafarvogs):
  Samdægursmóttaka, heilsuvernd aldraðra, sykursýkismóttaka, hjúkrunarmóttaka og sálfræðiþjónusta fyrir börn.

• Hraunbær 115, 1. hæð í austurenda (hægra megin við innganginn á Heilsugæslu Árbæjar):
  Mæðravernd, leghálsskimun, ung- og smábarnavernd, læknamóttaka og sjúkraþjálfari. Allt fyrirfram bókaðir tímar.
  

• Hraunbær 115, 2. hæð (Heilsugæslan Árbæ):
  Blóðrannsóknir

• Blogga um frétt