Tvö útköll vegna elds á sama tíma

Slökkviliðið á höfuðborgarsvæðinu var kallað út um þrjúleytið í dag vegna elds sem upp kom í potti og eldavél á Þinghólsbraut í Kópavogi. 

Vel gekk að slökkva eldinn og tók það um hálftíma en reykræst var í kjölfarið, að sögn vaktmanns slökkviliðsins. 

Á sama tíma var slökkvilið kallað út í Hvassaleiti eftir að minniháttar eldur kom upp í fjölbýlishúsi. Var ein slökkvistöð send á staðinn og gekk sömuleiðis vel að slökkva eldinn. 

Minniháttar tjón hlaust af eldsvoðanum á báðum stöðum. 

• Blogga um frétt