Skjálftahrina hófst við Fagradalsfjall í hádeginu. Stærsti skjálftinn varð klukkan 14.02 og mældist hann 4 stig.

Jarðfræðingar hjá Veðurstofunni funda nú um stöðuna.

Stuttu fyrir skjálftann sagði Einar Hjörleifsson, náttúruvársérfræðingur á Veðurstofu Íslands í samtali við mbl.is, engan skjálfta í þessari hrinu hafa náð slíkri stærð að fólk fyndi fyrir honum nema það væri statt alveg við upptökin. Stærsti skjálftinn á þeim tíma var 2,9 að stærð.

Spurður hvaða þýðingu þetta hafi segir hann erfitt að segja til um það. „Við gætum átt von á stærri skjálfta þarna á svæðinu og fylgjumst því áfram vel með.“

Þá er ekki útilokað að smáskjálftahrina sem þessi ýti undir eldvirkni á Reykjanesskaganum, en Einar bendir á að síðast þegar eldgos hófst hafi skjálftavirkni fyrst koðnað niður. 

Frétt uppfærð 14.36

Tengdar fréttir

Eldvirkni á Reykjanesskaga

Væri komið yfir innviði ef ekki væru varnargarðar

• Hentugt gos fyrst gýs á annað borð
• Hópur fólks reyndi að komast að eldgosinu
• Nyrstu hrauntungurnar dreifa úr sér
• Hraun kemur úr þremur gígum: Virknin stöðug

» Fleiri tengdar fréttir

• Blogga um frétt