Vetur um hásumar
Gunnhildur Sif Oddsdóttir
Setja bókamerki
„Það er allt fullt af snjó,“ segir Elísabet Kolbrá Úlfarsdóttir, skálavörður í Dreka við Drekagil. Hún bætir við að snjórinn sem blasti við í morgun hafi komið á óvart þrátt fyrir veðurfréttir gærdagsins.
„Við fréttum náttúrulega að það myndi verða einhver slydda hérna en þegar við vöknuðum var þetta allt öðruvísi en við bjuggumst við. Við vissum að það myndi snjóa upp í Öskju en héldum að það yrði frekar slydda hérna niðri í Drekagili en þetta kom algjörlega á óvart. Það er bara eins og vetur aftur.“
Einar Sveinbjörnsson veðurfræðingur sagði í samtali við mbl.is í gær það vera mjög óvenjulegt að það snjói á þessum árstíma eins og var spáð á hálendinu í gær og raungerðist síðan í nótt.
Stuttbuxnaveður síðasta sumar
Þetta er fyrsta sumar Elísabetar sem skálavörður í Dreka en hún segist hafa heyrt frá örðum skálavörðum að síðasta sumar hafi verið sól og blíða allt sumarið og hún hafði aðeins heyrt um stuttbuxnaveður frá byrjun til lok sumars. Nú þurfi þó ferðamenn í Drekagildi að vera aðeins betur klæddir.
Elísabet segir marga dvelja í skálanum sem stendur en auk þess hafi fólk gist í tjöldum í nótt.
Enginn hafði komið til skálavarðanna í morgun og lýst yfir furðu sinni á snjónum en einn þriggja ára gutti hafi drifið sig út í pollagallanum til að leika sér í snjónum. Maður fær víst ekki alltaf tækifæri til þess á sumrin.
Þarf að klæða sig vel
Lögreglan á Norðurlandi eystra deildi myndum frá Drekagili og svæðinu í kring um Öskju í morgun og hvatti þá sem hafa hugsað sér að fara á hálendið að klæða sig vel og fara á vel búnum bílum.
„Skemmtið ykkur vel um versló,“ bætti lögreglan við.
Erfiðara fyrir flokka að segjast hlutlausir
Óvissustigi á Vestfjörðum aflýst
Mjög dýrt að tryggja landamærin
„Mjög bagalegt“ að klára ekki málið
Greiningarmiðstöð hluti af 13 landamæraaðgerðum
Par flutt á bráðamóttöku eftir árás
Allt frá nokkrum tímum upp í viku í nýrri miðstöð
Frestar skerðingum fyrir norðan og austan
