Hátíðinni lauk með flugeldasýningu

Fjölskylduhátíðinni „Ein með öllu“ lauk í gær með stórglæsilegri flugeldasýningu á Leikhúsfletinum á Akureyri.

Eins og sjá má á myndum var fjölmennt og skemmtu gestir sér konunglega á Stóru sparitónleikunum svokölluðu.

Fram komu Páll Óskar, Clubdub, Birnir, Stjórnin, Eik Haralds og Ragga Rix. Þá stýrðu Jónína Björt og Ívar Helga brekkusöngnum.

Sigga Beinteins hélt uppi stuðinu með Stjórninni.

Fjölmennt var á Sparitónleikunum. mbl.is/Þorgeir Baldursson

Gaman að geta gefið sig á tal við fólk

Lögreglumenn á Norðurlandi eystra voru með göngueftirlit við flötina á meðan á tónleikahaldi stóð.

„Fólk virtist flest vera að skemmta sér vel og mikil stemming var hjá fólki. Það er alltaf gaman þegar hægt er að fara í göngueftirlit og gefa sig á tal við fólk og ræða um daginn og veginn,“ segir í facebook-færslu lögreglunnar.

Frá Leikhúsflötinni. mbl.is/Þorgeir Baldursson

• Blogga um frétt