Umferðin byrjuð að þyngjast inn á höfuðborgarsvæðið

Engin umferðarslys hafa orðið það sem er degi en umferðin er þó byrjuð að þyngjast að sögn vaktstjóra hjá umferðardeild lögreglunnar á höfuðborgarsvæðinu. 

Er blaðamaður náði tali af lögreglunni rétt eftir klukkan fjögur hafði dagurinn verið mjög rólegur framan af. 

„Þetta er byrjað aðeins að þéttast núna. Þetta kemur í skorpum á báðum vegunum en gengur bara mjög vel,“ sagði hann og bætti við að umferðin ætti eftir að þyngjast er liði á daginn. 

Lögreglan biðlar til fólks að vera þolinmótt og sýna almenna skynsemi. „Virða þessi blessuðu einföldu lög, þau eru nú ekki flókin.“

• Blogga um frétt