Klukkan 5.32 í morgun varð jarðskjálfti af stærðinni 4,6 í austanverðu Fagradalsfjalli.

Þetta staðfestir Hulda Rós Helgadóttir, náttúruvársérfræðingur hjá Veðurstofu Íslands, í samtali við mbl.is.

Veðurstofunni hafa borist tilkynningar um að skjálftinn hafi fundist í Grindavík, Reykjanesbæ, á höfuðborgarsvæðinu og á Selfossi.

„Við erum ekki að sjá gosóróa á mælunum okkar. En það er virkni í kvikuganginum sem sýnir að það sé kvika að reyna að koma sér fyrir þarna sem er þarna undir,“ segir Hulda.

Frétt af mbl.is

„Engin merki um neitt annað en sinubruna“

Fegin niðurstöðunni

„Það var lítið um stóra skjálfta í nótt en það hefur verið virkni í kvikuganginum undir Fagradalsfjalli og víðar þar sem gikkskjálftarnir hafa verið.“

Spurð út í sinubrunann segir Hulda að það hafi verið gott að fá niðurstöðu er varðar elda á gossvæðinu í nótt sem kom í ljós að voru sinubruni. Hún segir að þetta hafi verið furðuleg staðsetning en bruninn gæti alveg eins hafa verið af mannavöldum.

Tengdar fréttir

Eldvirkni á Reykjanesskaga

Vinna hefst í dag við að reisa undirstöður

• Auka aðgengi að Grindavík
• Ekki hægt að slá gosið út af borðinu strax
• Unnið að hraunkælingu allan sólarhringinn
• Hraunrennslið haldi áfram undir yfirborðinu

» Fleiri tengdar fréttir

• Blogga um frétt