Búið er að loka fyrir akandi umferð á vegslóðum umhverfis gosstöðvarnar í Meradölum en umferðin er óheft um Reykjanesbraut og Suðurstrandarveg. 

Í tilkynningu frá lögreglustjóranum á Suðurnesjum segir að verið sé að meta aðstæður reglulega en það geti komið til þess að rýma þurfi svæði nálægt gosstöðvunum fyrirvaralaust. Gasmengun sé við gosstöðvarnar en vindátt hagstæð eins og sakir standa.

Viðbragðsaðilar eru við gosstöðvarnar og er fólki eindregið ráðið frá því að leggja leið sína á svæðið á meðan að vísindamenn og viðbragðsaðilar eru þar við störf. Þá er tekið fram að akstur utan vega sé stranglega bannaður.

Tengdar fréttir

Eldvirkni á Reykjanesskaga

Segir hættustigið forvörn fyrir helgina

• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“
• „Breytir ekki okkar viðbúnaði“

» Fleiri tengdar fréttir

• Blogga um frétt