„Við höfum yfirfarið allar okkar áætlanir og erum í góðu sambandi við yfirvöld, rétt eins og meðan á hræringunum stóð,“ segir Helga Árnadóttir, framkvæmdastjóri hjá Bláa lóninu, í samtali við mbl.is.

Segir hún að engar frekari ráðstafanir verði gerðar á þessum tímapunkti í tengslum við eldgosið sem nú er hafið á Reykjanesskaga, nánar tiltekið í vestanverðum Meradölum.

Frétt af mbl.is

Eldgos hafið á Reykjanesskaga

Fylgjast vel með þróun mála

„Við gerum ráð fyrir, á þessum tímapunkti, að þetta muni þróast með svipuðum hætti og við fyrra gos,“ segir Helga.

„Við höfum engar sérstakar áhyggjur af stöðunni, en fylgjumst vel með þróun mála. Gestir okkar eru rólegir og yfirvegaðir en líka áhugasamir.“

Helga Árnadóttir er framkvæmdastjóri sölu-, markaðs- og vöruþróunarsviðs Bláa lónsins. mbl.is/Kristinn Ingvarsson

Tengdar fréttir

Eldvirkni á Reykjanesskaga

Segir hættustigið forvörn fyrir helgina

• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“
• „Breytir ekki okkar viðbúnaði“

» Fleiri tengdar fréttir

• Blogga um frétt