Skrýtnir blossar í reyknum við Fagradalsfjall
Setja bókamerki
Fjölmargar ábendingar hafa borist mbl.is á undanfarinni klukkustund, um blossa sem virðast koma upp með reyknum, sem sjá má á vefmyndavél mbl.is.
„Við erum að fylgjast með þessu og erum búin að láta almannavarnir vita,“ segir Hulda Rós Helgadóttir, náttúruvársérfræðingur hjá Veðurstofunni, í samtali við mbl.is.
„Það verður sennilega farið í flug þarna yfir til að skoða þetta nánar,“ bætir hún við.
Fyrst var greint frá reyknum á mbl.is um klukkan hálfátta í kvöld.
Frekar skrýtið
„Þetta er enn þá bara svo lítið, að það er óljóst hvað er í gangi. Einhver nefndi að þetta gæti verið sinubruni, en þá er spurningin: Hvað er það sem kveikir í sinunni?“ segir Hulda.
„Þetta er alla vega frekar skrýtið. En við sjáum til hvernig þetta þróast.“
Fylgjast má með útsendingunni hér að neðan:
Þröstur Magnússon, sem gekk um þessar slóðir um klukkan 19 í kvöld, sagði mbl.is frá upplifun sinni skömmu fyrir miðnætti.
„Við erum að koma þarna yfir hæðina þegar við förum að finna rosalega mikla lykt og vorum svolítið að furða okkur á því, en þegar við erum komnir yfir hæðina sjáum við þennan hvíta reyk alveg töluvert langt í burtu.“
Heimildarmenn tala um hápólitískt drama
„Við vöknuðum við hljóð frá sprengingum“
Vinna hefst í dag við að reisa undirstöður
Ekki hægt að slá gosið út af borðinu strax
Vonir bundnar við morgundaginn
Fundur hafinn hjá kennurum, ríki og sveitarfélögum
Hvatti kjósendur til þess að greiða ógild atkvæði
Falskur fyrirvari á auglýsingum Höllu