Stutt í lífshættulegt slys undir gamla hrauninu
Setja bókamerki
Víðir Reynisson, yfirlögregluþjónn almannavarnadeildar ríkislögreglustjóra, varar fólk við því að stytta sér leið að gosstöðvunum í Meradölum yfir gamla hraunið frá eldgosinu sem var á síðasta ári.
Fjöldi ábendinga hefur borist af fólki sem hefur stytt sér leið yfir eldra hraunið í staðinn fyrir að labba í grýttum hlíðunum.
Sáu glóð um allt hraunið
Hann bendir á að undir storknuðu hrauninu geti leynst kvika og oft aðeins mjög þunn skel yfir.
„Ég flaug þarna yfir fyrir eldgosið í fyrrinótt með nætursjónauka og um allt hraunið sáum við í glóð. Kvikan er þarna bara rétt undir yfirborðinu og jarðskjálftarnir hafa væntanlega hrist vel upp í því,“ segir Víðir.
Hann segir því að undir yfirborði gamla hraunsins sé á mörgum stöðum stutt í glóandi kviku og ef illa fer geti orðið lífshættulegt slys.
„Þetta er um allt hraun, niður allar tungurnar, alla gígana og mjög víða.“
Skoða tengsl vinsælla lyfja við sjaldgæfan sjúkdóm
Svona er tillaga sáttasemjara: Hafa fram á laugardag
Leggur fram innanhústillögu í kjaradeilu kennara
Togast á um vistarverur í Alþingishúsi
Hafði unnið á Maríuborg frá ágúst 2013
Ólíklegt að nokkur hafi komist lífs af
„Frumskylda mín að huga að börnunum mínum“