Ákvörðun þess efnis að banna börnum undir 12 ára að koma að gossvæðinu er matskennd en henni verður framfylgt, að sögn Úlfars Lúðvíkssonar, lögreglustjóra á Suðurnesjum. 

Forsjáraðilar gætu þá þurft að framvísa skilríkjum barna sem vilja fara á gossvæðið, ef lögregla telur þörf á því.

Þetta kemur fram í Morgunblaðinu í dag, miðvikudag. 

Lögreglustjórinn á Suðurnesjum ákvað í gær að takmarka aðgengi barna yngri en 12 ára að gosstöðvunum í Meradölum, þegar svæðið er opið. Lögregla getur veitt almenn fyrirmæli á hættustundu samkvæmt 23. gr. laga um almannavarnir.

„Mönnum er skylt að fara eftir fyrirmælum lögreglu og ef það er ekki gert, þá er hægt að beita sektum samkvæmt lögreglulögum,“ segir Úlfar, spurður hvort unnt sé að sekta fólk sem fer að gosinu eða þá sem halda að gosinu með börn undir 12 ára aldri. 

Frétt af mbl.is

Yngri en 12 ára fá ekki að fara að gosinu

Matskennd ákvörðun 

Spurður hvernig eftirliti með slíku er háttað segir Úlfar: „Við verðum með virkt eftirlit á Suðurstrandarveginum, við tölum við þá sem fara í gegn.“

Gæti þá verið spurt um skilríki hjá börnum?

„Það gæti komið fyrir, ef vafi leikur á aldri.“

Hvers vegna 12 ára börn? Er eitthvað sem liggur þarna að baki?

„Hvers vegna ekki? Þetta er náttúrlega matskennd ákvörðun,“ segir Úlfar. Ekki fengust nánari upplýsingar um ástæður aldurstakmarksins.

Meira um málið í Morgunblaðinu.

Frétt af mbl.is

Vilja að allir, þar á meðal börn, geti séð gosið

Frétt af mbl.is

Gosstöðvarnar opnaðar í dag

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir