Gígur að myndast á miðri sprungunni
Lítið sést á vefmyndavélum mbl.is á gosstöðvunum þessa stundina en lokað hefur verið að gosstöðvunum vegna veðurs frá því á sunnudag.
mbl.is/Ágúst Óliver
Setja bókamerki
„Það er eins og það sé að myndast einn gígur á miðri sprungunni og jafnvel tveir gígar hvor sínum megin,“ segir Einar Hjörleifsson, náttúruvársérfræðingur hjá Veðurstofu Íslands, í samtali við mbl.is.
Hann segir að þrátt fyrir þokusúldina við gosstöðvarnar í Meradölum hafi sést úr einni vefmyndavél í nótt.
„Virkni virðist vera svipuð og við höfum séð, það eru háir kvikustrókar. Óróinn er áfram fremur stöðugur en hann var jafnvel heldur kröftugri í gærdag. Nú er hann svipaður og hann var fyrir það.“
Einar bætir við að veðrið gæti haft áhrif á mælingarnar en Veðurstofan heldur áfram að fylgjast með gosinu, sem er vikugamalt í dag.
Taka upp grímuskyldu á Landspítalanum
Feðgar saman í Grænlandstúr á jólum
KEF Spa: „Eitthvað sem þú hefur ekki séð áður“
Ekkert ferðaveður og vegalokanir á jóladag
Æskuvinir sem fóru í víninnflutning frá Georgíu
Fuglager í Grindavík: „Þetta var bara pínu magnað“
Spá 13-18 stiga frosti í borginni