„Ef og þegar fer að styttast í það að hraun geti flætt yfir Suðurstrandarveg þá yrði það auðvitað mjög slæm staða. Við stóðum frammi fyrir því í fyrra gosi að það gæti gerst,“ segir Fannar Jónasson, bæjarstjóri Grindavíkur, í samtali við mbl.is.

Ármann Höskuldsson, eldfjallafræðingur, sagði við mbl.is í dag að það gæti tekið hraunið úr eldgosinu um tvær til þrjár vikur, eða jafnvel nokkra daga, að komast að Suðurstrandarvegi ef sami kraftur helst í gosinu áfram.

„Við treystum á þá vísindamenn sem eru okkur til ráðgjafar og bíðum svolítið eftir hraunflæðilíkönum,“ segir Fannar.

Frétt af mbl.is

Hraunið gæti komist að veginum eftir nokkra daga

Skoðað rækilega í fyrra gosi

„Við þessu er í sjálfu sér lítið að gera. Það var skoðað mjög rækilega í fyrra hvort hægt væri að setja upp einhvers konar leiðigarða og aðgerðir til þess að koma í veg fyrir að hraun rynni yfir veginn. Niðurstaðan var sú að það væri ekki raunhæft og mikill kostnaður sem því myndi fylgja þó það væri reynt og árangurinn óviss,“ segir Fannar, spurður um aðgerðir.

„Við getum ekki séð langt fram í tímann, hvað kann að gerast varðandi þetta gos, en það væri mjög slæmt allra hluta vegna ef Suðurstrandarvegurinn færi í sundur, það er ekki hægt að neita því.“

Tengdar fréttir

Eldvirkni á Reykjanesskaga

Gosmengun í Grindavík óholl fyrr viðkvæma

• Tilbúin að bregðast við skelli slæm sviðsmynd á
• Hraunflæði ógnar innviðum við Svartsengi
• Sér ekki fyrir endann á gosinu: „Nei, nei“
• „Gengið vel“ að verja rafmagnsmastrið

» Fleiri tengdar fréttir

• Blogga um frétt