Metfjöldi lagði leið sína að gosinu
Samkvæmt teljara Ferðamálastofu fóru 6.496 að gosstöðvunum í gær.
mbl.is/Sigurður Bogi
Setja bókamerki
Alls fóru 6.496 manns að gosstöðvunum í Meradölum í gær og er það metfjöldi frá því að eldgos hófust á Reykjanesskaga í mars á síðasta ári.
Þetta kemur fram á teljara Ferðamálastofu en fyrra met var sett 28. mars í fyrra er 6.032 gengu að gosstöðvunum á einum degi.
Alls hafa 22.818 gengið að gosstöðvunum síðustu sjö daga. Heildarfjöldi ferðamanna frá því að talning hófst 24. mars í fyrra er 472.677.
Samkvæmt teljurunum eru nú flestir á ferð um hádegisbilið.
Í dag verður norðanátt á gossvæðinu um 5-13 og mun gosmengunin fara til suðurs og suðausturs samkvæmt upplýsingum á vef Veðurstofu Íslands.
Kristrún Frostadóttir verður forsætisráðherra
Samfylking og Viðreisn gáfu loforð
Helgi Magnús mætir til starfa í dag
Ný ríkisstjórn kynnt á morgun
„Mér finnst gamla Samfylkingin komin aftur“
Þetta eru ráðherrar ríkisstjórnarinnar
Nágrannaþjóðir upplýstar en við vöðum í blindni