Söfnuðu 130 þúsund kr. fyrir úkraínskt flóttafólk
Setja bókamerki
Fjórir duglegir krakkar söfnuðu 130 þúsund krónum sem þau gáfu Rauða krossinum til styrktar flóttafólki frá Úkraínu.
Börnin, sem heita Sigrún, Andri, Emma og Karen, búa í Ennishvarfi í Kópavogi en þau náðu að safna þessari óvenju háu upphæð með því að vera sérlega dugleg og úrræðagóð, að því er segir í tilkynningu Rauða krossins.
Seldu armbönd og happdrættismiða
Byrjuðu þau á því að fá posa lánaðan hjá Saltpay svo fólk gæti borgað þeim með korti og svo héldu þau tvær sirkussýningar sem þau seldu inn á og seldu meira að segja veitingar í hléi.
Þá bjuggu krakkarnir til armbönd og notuðu posann til þess að selja þau nálægt heimilum sínum, auk þess að ganga um hverfið sitt og selja miða í happdrætti en síðast en ekki síst söfnuðu þau tómum drykkjarumbúðum í hverfinu sínu sem þau fóru með í Sorpu.
Fólk sem hefur áhuga á að taka þessa kláru krakka til fyrirmyndar geta stutt hjálparstarf Rauða krossins á ýmsa vegu í gegnum heimasíðu Rauða krossins.
Húsinu verði fundinn annar staður
Tvö snjóflóð féllu í Ólafsvík
Ráðherra ekki á fundi varnarmálaráðherra
Svona vill almenningur hagræða ríkisrekstri
„Frumskylda mín að huga að börnunum mínum“
Máli foreldra gegn kennurum vísað frá