Dregið hefur verulega úr gosinu
Horft yfir gosstöðvarnar og hraunelfina niður í Meradali. Eldrí gígur úr Geldingadalagosi í forgrunni.
mbl.is/Árni Sæberg
Setja bókamerki
Meðalrennsli hrauns upp á yfirborðið í eldgosinu í Meradölum mældist 3-4 rúmmetrar á sekúndu frá laugardegi til gærdagsins. Þetta sýna nýjustu mælingar Jarðvísindastofnunar Háskóla Íslands, eftir að flogið var yfir gosstöðvarnar þessa daga.
Í tilkynningu frá stofnuninni segir að mjög hafi dregið úr gosinu, svo að ekki verði um villst.
Til samanburðar var hraunflæðið 4.-13. ágúst metið að meðaltali 11 rúmmetrar á sekúndu.
Gosopum fækkað
„Er þetta í samræmi við að undanfarna daga hefur gosopum fækkað og hrauntaumar hafa runnið skemur í Meradölum en var framan af,“ segir í tilkynningunni.
Ómögulegt sé að segja um á þessu stigi hvort goslok séu nærri, eða hvort nú er aðeins tímabundið lágmark í gosinu.
Hellisheiði og Þrengsli ekki opnuð í dag
Ekkert ferðaveður og vegalokanir á jóladag
Björgunarsveitir kallaðar út í nótt
Spá 13-18 stiga frosti í borginni
Strandveiðar „efnahagsleg sóun“
Var að slitna frá bryggju sökum hvassviðris
KEF Spa: „Eitthvað sem þú hefur ekki séð áður“
Í vinnunni á aðfangadagskvöldi í 25 ár