Göngu­leiðir að gosstöðvun­um eru lokaðar í dag vegna veðurs. Þetta staðfest­ir Krist­ín Jóns­dótt­ir, nátt­úru­vár­sér­fræðing­ur á Veður­stofu Íslands, auk þess sem upp­lýs­ing­arn­ar koma fram inn á sa­fetra­vel.is.

Krist­ín bend­ir á að ákvörðun hafi verið tek­in af lög­reglu, en skil­yrði séu slæm vegna veðurofsa. 

Vegna vax­andi suðaustanátt­ar með rign­ingu, stefn­ir gasið frá eld­gos­inu í norðvest­ur yfir Kefla­vík, Sand­gerði og Garð. Hæg­ari suðlæg átt eft­ir há­degi mun koma til með að færa gasið til norðurs, yfir Voga og Faxa­flóa. 

Gíg­ur­inn sí­fellt mynd­ar­legri

Gíg­ur­inn verður sí­fellt mynd­ar­legri og lokast meira af, að sögn Krist­ín­ar. Að öðru leyti er lít­il breyt­ing á gos­inu. Það renn­ur en frá gígn­um en hraun­flæðið er þó aðeins breyti­legt. Það hef­ur enn ekki runnið út úr Mera­döl­um. 

Kynnt­ar voru mæl­ing­ar í gær sem sýndu fram á minnk­andi rúm­mál hrauns­ins. Krist­ín bend­ir á að það sé erfitt að mæla rúm­mál hrauns, enda þurfi að taka mið af fjölda annarra þátta við slík­ar mæl­ing­ar. Því sé mik­il óvissa og ekki hægt að draga of sterk­ar álykt­an­ir af slík­um mæl­ing­um. 

Í gær var orðið ögn blautt við gosstöðvarn­ar. mbl.is/​Guðlaug­ur J. Al­berts­son

Tengd­ar frétt­ir

Eld­virkni á Reykja­nesskaga

Stytt­ist í eld­gos sem verður með stutt­um fyr­ir­vara

• Æfa reglu­lega rým­ingu hjá Vísi
• Slæmt veður trufl­ar mæla
• Bæj­ar­skrif­stof­ur Grinda­vík­ur­bæj­ar flytja aft­ur heim
• Lengsta biðin eft­ir gosi frá því hrin­an hófst

» Fleiri tengd­ar frétt­ir

• Blogga um frétt