Gert ráð fyrir kjaraviðræðum í fjárlagafrumvarpi
Setja bókamerki
Bjarni Benediktsson fjármálaráðherra segir að kjaraviðræður verði teknar inn í umræðuna þegar fjárlagafrumvarpið verður lagt fyrir.
„Við höfum lagt fyrir ramma að frumvarpinu þar sem við afgreiddum fjármálaáætlun í vor, en þá erum við að horfa til þess sem Hagstofan gerir ráð fyrir varðandi þróun kjaramála í landinu á næsta ári,“ sagði Bjarni í samtali við mbl.is að loknum ríkisstjórnarfundi í dag.
Ríkisstjórnin hafi hlutverki að gegna við kjaraviðræður en komi þó ekki að samningaviðræðum.
Framkvæmdastjóri Samtaka atvinnulífsins hefur áður sagst vilja takmarka aðkomu ríkisins að kjarasamningum.
Stéttarfélagið Efling hefur haldið því fram að miðað við verðbólgu og framleiðniaukningu á árinu 2022 ættu laun hækka laun um 52.000 krónur, sem væri flöt krónutöluhækkun.
Að mati Eflingar eru fullyrðingar hagfræðinga þjóðhagsráðs, um að ekki sé svigrúm til launahækkana, villandi. Svigrúm til launahækkana ráðist öðru fremur af hagvexti og framleiðniaukningu.
Hvort tveggja sé góðu lagi á Íslandi þetta árið og afkoma þorra fyrirtækja mjög góð.
„Höfum sloppið bærilega með skaða af þessu gosi“
Hótar Bretum og Bandaríkjamönnum
Viðræður ekkert þokast frá því á þriðjudag
Hentugt gos fyrst gýs á annað borð
Fullvissa ferðamenn um að hér sé öruggt
Dómur þyngdur um þrjú ár
Hópur fólks reyndi að komast að eldgosinu