Drullan í firðinum fyrirséð

„Þetta var alveg fyrirséð. Það rigndi vel þessa daga og þetta er í raun jökulá, á sem rennur þegar bræðsla er af Drangajökli. Þegar það er rigning og aukin leysing skilar hún meiru niður af leir og drullu.“ 

Þetta segir Óli Þór Árnason veðurfræðingur í samtali við mbl.is um gervi­tungla­mynd­ir af Leiruf­irði í Jök­ul­fjörðum sem sýna mikl­ar breyt­ing­ar frá 16. ág­úst til 21. ág­úst.

Í fjörðinn renn­ur Jök­ulá úr Dranga­jökli, og er aug­ljóst að mikið jök­ul­vatn hef­ur verið í ánni und­an­gengna daga. Á myndunum má sjá drulluslóð í firðinum.

Frétt af mbl.is

Mikið jökulvatn hefur verið í ánni

Líkt og mbl.is hefur greint frá voru nokkrar gular viðvaranir í gildi á Vestfjörðum í síðustu viku og rigndi mikið. 

Frétt af mbl.is

Gul viðvörun fyrri hluta laugardags

Frétt af mbl.is

Gul viðvörun í nótt og varað við skriðuföllum

Óli Þór bendir á að fjörðurinn, sem heitir Leirufjörður, hafi fengið nafn sitt af ástæðu. 

Bendir hann jafnframt á að þó svo að jöklar líti út fyrir að vera mjög hreinir á myndum sé það ekki raunin. Jökulvatnið geti því borið með sér mikla drullu.

• Blogga um frétt