Hjónin sem urðu fyrir skotárás á heimili sínu á Blönduósi á sunnudagsmorgun eru Kári Kárason og Eva Hrund Pétursdóttir. Eva Hrund lést í árásinni en Kári liggur enn þungt haldinn á sjúkrahúsi eftir skot í kvið. 

Frétt af mbl.is

„Erfiðara en orð fá lýst“

Kári er framkvæmdastjóri Vilko, sem framleiðir og selur vörur undir vörumerkjunum Prima krydd, Flóra og Vilko. Kári er jafnframt í sóknarnefnd Blönduóskirkju, í slökkviliði Blönduóss og hefur látið mikið að sér kveða í samfélaginu.

Kári hlaut landsfrægð þegar hann og sonur hans komu árið 2012 að bíl sem hafði oltið ofan í Laxá á Ásum og tókst með snarræði að bjarga manni sem sat fastur í bílnum. Fyrir björgunarafrekið voru þeir feðgar útnefndir menn ársins í Austur-Húnavatnssýslu af lesendum Húnahorns. 

Frétt af mbl.is

„Veit ég á honum lífið að launa“

Frétt af mbl.is

„Margt hjálpaðist að“

Eva Hrund var iðjuþjálfi hjá Heilbrigðisstofnun Norðurlands og hefur meðal annars staðið fyrir sjálfboðaliðastarfi í tengslum við hjúkrunar- og dvalardeildina á Blönduósi. Eva var virk í félagsstarfi og hefur staðið fyrir söfnun fyrir þjálfunartækjum fyrir heilbrigðisstofnunina. 

Eva lætur eftir sig fjögur börn og tvö barnabörn. 

Eldri sonur hjónanna var fyrir tilviljun gestkomandi á heimili foreldra sinna ásamt unnustu sinni og kornabarni þegar skotárásin var gerð. Hann heitir Hilmar Þór Kárason.

Hilmar og önnur börn þeirra hjóna sendu frá sér yfirlýsingu í morgun, þar sem þau báðust undan ágangi fjölmiðla og óskuðu eftir friði til að takast á við áfallið, syrgja móður sína og hlúa að föður sínum. 

Tengdar fréttir

Skotárás á Blönduósi

Niðurfelling í Blönduósmáli staðfest

• Niðurfelling Blönduóssmáls kærð
• Málið fellt niður á grundvelli neyðarvarnar
• Rannsókn lokið og atburðarásin reifuð
• Staða sakborninga áfram sú sama

» Fleiri tengdar fréttir

• Blogga um frétt