Vélarvana bátur við Voga

Tilkynning um vélarvana bát sem rak að landi austan við Atlagerðistanga við Voga á Vatnsleysuströnd fyrr í kvöld í roki og öldugangi vakti þegar viðbrögð sjóbjörgunarsveita á suðvesturhorninu.

Frá þessu greindi Slysavarnafélagið Landsbjörg í tilkynningu. Hafði áhöfn bátsins rekið mótorinn niður og varð hann við það vélarvana um þrjú til fjögur hundruð metra frá landi.

Bátinn rak svo að landi um hálfri klukkustund eftir að útkallið barst, komst áhöfnin í land af eigin rammleik og slysalaust.

Björgunarsveitarfólk dró bátinn því næst til hafnar í Vogum og fylgdu aðrir björgunarbátar honum til öryggis. Gengu aðgerðir vel þrátt fyrir að vont hefði verið í sjóinn.

• Blogga um frétt