Reyna að koma í veg fyrir óhöpp vegna olíuleka

Slökkviliðið sinnir nú útkalli vegna olíuleka á Suðurlandsvegi. Útkallið barst rétt fyrir klukkan þrjú eftir að olíu tók að leka úr bíl rétt við beygjuna að Vesturlandsvegi.

Að sögn vakstjóra slökkviliðsins eru fimm slökkviliðsmenn við vinnu á svæðinu. Tryggja þeir að fólk keyri ekki í olíuna til að koma í veg fyrir umferðaróhöpp. Sjúkrabíll er einnig á staðnum. 

Þá verða hreinsitæknimenn fengnir til að hreinsa svæðið en olían er nokkuð dreifð um svæðið.

Vegagerðin greinir frá því að búið sé loka fyrir umferð frá Vesturlandsvegi og upp á Suðurlandsveg vegna lekans. Einnig er þrengt að umferð til austurs við Orkuna við Vesturlandsveg.

• Blogga um frétt