Víða dálítil væta í dag

Spáð er norðaustan 5 til 13 metrum á sekúndu og víða verður dálítil væta, en lengst af þurrt suðvestanlands.

Gengur í norðvestan 10-18 m/s norðaustantil á morgun og bætir í úrkomu þar, hvassast á annesjum. Norðvestan 5-13 og bjart með köflum syðra.

Hiti verður á bilinu 8 til 16 stig, mildast syðst.

Í athugasemd veðurfræðings hjá Veðurstofu Íslands kemur fram að spáð er allhvassri eða hvassri norðvestanátt á norðaustanverðu landinu á morgun með snörpum vindhviðum þar. Veðrið verður varasamt ökutækjum, sem viðkvæm eru fyrir vindum.

Veðurvefur mbl.is.

• Blogga um frétt