66° norður úlpu stolið úr strætóskýli

Úlpa frá 66° norður fékk að vera til sýnis í strætóskýli við Lækjartorg í um viku áður en henni var stolið.

„Við vorum að fagna afmælisútgáfu af Þórsmerkurúlpunni sem kom fyrst árið 2006. Við höfum gert það nokkru sinni áður í gegnum tíðina að setja flík í strætóskýli,“ segir Fannar Páll Aðalsteinsson, markaðsstjóri 66° norður, í samtali við mbl.is.

„Þetta fór upp á fimmtudaginn í síðustu viku. Í nótt hefur einhver brotist inn í skýlið og stolið úlpunni. Það er leiðinlegt hvernig fór en þetta fékk þó að standa þarna í viku.“

Frétt af mbl.is

Úlpan sem Bergþóra hannaði 2006 fær nýtt útlit

Meta tjónið í sameiningu

Úlpan kostar 105.000 krónur en óvíst um hve mikið tjón er að ræða vegna skemmdarverkana í strætóskýlinu.

Að sögn Fannars vann fyrirtækið Billboard auglýsinguna í strætóskýlinu með 66 og eru fyrirtækin tvö að meta tjónið og að skoða næstu skref.

„Við munum alla vega tilkynna það að úlpunni hafi verið stolið,“ segir Fannar.

• Blogga um frétt