Strætó tapaði 600 milljónum á hálfu ári

Strætó bs. tapaði tæpum 600 milljónum króna á fyrstu sex mánuðum ársins. Er þetta mesta tap félagsins frá upphafi, en á sama tíma í fyrra nam tapið 254 milljónum króna. 

Fargjaldatekjur jukust um 12 prósent og rekstrargjöld jukust einnig um 12 prósent. Þetta kemur fram í árshlutauppgjöri félagsins. 

Í viðtali við RÚV segir Jóhannes Svavar Rúnarsson, framkvæmdastjóri Strætó, að besta lausnin væri að rekstrarárið yrði fullfjármagnað af sveitarfélögunum á höfuðborgarsvæðinu, og umræður um það séu nú í gangi. 

Ferðum verður ekki fækkað frekar og forðast verður að skerða þjónustuna. Þó kunna fargjöld að hækka. Ekki liggur fyrir ákvörðun um það en Jóhannes bendir á að vísitala neysluverðs hafi hækkað um allt að tíu prósent á þessu ári og hækkunin kynni þá að verða í samræmi við það, en ekki umfram almennar verðlagshækkanir. 

Frétt af mbl.is

Þurfa að vinna fólkið á einkabílnum til baka

• 3 blogg um fréttina

Bloggað um fréttina

• Ingólfur Sigurðsson: Er Einar í Framsókn að fara ofaní óvinsældahít Dags B. …
• Gunnar Heiðarsson: Tap á tap ofan
• Jóhannes Ragnarsson: Illa upp aldir toppfígúrusteggir sem kunna ekkert á rekstur og …