Slasaðist í hjólreiðakeppni

Sá sem var fluttur með þyrlu Landhelgisgæslunnar frá Úlfarsfelli í hádeginu er hjólreiðamaður sem hafði slasast í hjólreiðakeppni.

Frétt af mbl.is

Fluttur með þyrlu frá Úlfarsfelli

Að sögn Ásgeirs Erlendssonar, upplýsingafulltrúa Gæslunnar, var ekki talið skynsamlegt að flytja hann landleiðina vegna áverkanna sem hann hlaut og því var óskað eftir aðstoð þyrlunnar.

Þyrlusveitin var á Reykjavíkurflugvelli þar sem hún var nýkomin úr flugi og gat því brugðist skjótt við. Hún var komin á vettvang örfáum mínútum síðar og var lent með hjólreiðamanninn á Landspítalanum um klukkan 12.50.

Ekki hafa fengist frekari upplýsingar um áverka hans. 

• Blogga um frétt