„Vont að þetta séu viðbrögð skólameistara“
Setja bókamerki
Ásrún Aldís Hreinsdóttir, formaður nemendafélags Fjölbrautaskólans á Suðurlandi, segir í samtali við mbl.is að nemendafélagið muni funda með skólastjórnendum á mánudag þar sem náið verði farið yfir kynferðisbrotamál sem kom upp í skólanum í vikunni.
Tölvupóstur um málið barst nemendum skólans í gær frá Olgu Lísu Garðarsdóttur, skólastjóra FSu.
Þar kom fram að báðir aðilar málsins séu nemendur skólans og séu undir lögaldri. Það hafi með sér í för að þau eigi bæði rétt á að mæta í skólann eftir helgi.
Í yfirlýsingu sem stjórn nemendafélagsins birti á Instagram segir að þau séu „ósammála innihaldi póstsins og hvernig hann var orðaður“.
Olga bað nemendur í tölvupóstinum að málið yrði ekki rætt á samfélagsmiðlum vegna viðkvæmni þess og að foreldrar myndu ræða við börn sín um skaðsemi dómstóls götunnar.
Standa alltaf með þolendum
Ásrún segir að um skelfilegan atburð sé að ræða „og vont að þetta séu viðbrögð skólameistara“.
„Við tökum þessu mjög alvarlega og hörmum að svona skuli gerast,“ segir hún og bendir á yfirlýsingu stjórnarinnar þar sem segir að nemendafélagið muni alltaf standa með þolendum.
Olga Lísa hefur ekki svarað fyrirpurn mbl.is vegna málsins.
Jón „mun ekki koma nálægt meðferð hvalamálsins“
Munu áfrýja beint til Hæstaréttar
„Allt í rusli“ við brúargerð á Vestfjörðum
Sleginn yfir grófri framkomu gegn fjölskyldunni
Glíma enn við eftirköst E.coli-smits í Efstadal
Telja sig geta rekið Grindavík til 2026
Deilan enn í hnút eftir tveggja vikna verkföll
