Söfnun er hafin fyrir fjölskyldu Evu Hrundar Pétursdóttur sem lést í skotárás á Blönduósi 21. ágúst. 

Líkt og áður hefur verið greint frá varð eiginmaður Evu Hrundar, Kári Kárason, einnig fyrir skoti í árásinni og særðist alvarlega. Uppkominn sonur þeirra, tengdadóttir og nýfætt barnabarn voru fyrir tilviljun gestkomandi að heimili hjónanna þegar árásin varð. 

Styrktarreikningur hefur verið stofnaður til stuðnings fjölskyldunni svo að fjárhagsáhyggjur bætist ekki við þunga byrði fjölskyldunnar. Frá þessu er greint á Húna.is.

„Við biðjum ykkur að senda hlýjar hugsanir og kærleik til fjölskyldunnar sem á um sárt að binda og kærar þakkir til allra sem sjáið ykkur fært að styrkja þau,“ segir í færslunni á Húna.

Fyrir þá sem vilja leggja söfnuninni lið þá er reikningsnúmerið 0307-26-004701, kennitala  470169-1689 (Blönduóskirkja).

Tengdar fréttir

Skotárás á Blönduósi

Niðurfelling í Blönduósmáli staðfest

• Niðurfelling Blönduóssmáls kærð
• Málið fellt niður á grundvelli neyðarvarnar
• Rannsókn lokið og atburðarásin reifuð
• Staða sakborninga áfram sú sama

» Fleiri tengdar fréttir

• Blogga um frétt