Nýnemar tolleraðir í veðurblíðunni

Nemendur Menntaskólans í Reykjavík héldu í dag í áratuga gamla hefð þegar að nýjustu nemendurnir voru boðnir velkomnir í skólann með tolleringu á skólalóðinni.

Í tilefni dagsins voru eldri nemendurnir klæddir í tóga með óhugnanlega andlitsmálningu og sumir jafnvel með hvítar linsur í augunum til að skerpa útlitið enn frekar.

Ljósmyndari mbl.is var á vettvangi og náði nokkrum skemmtilegum myndum af þessari athöfn.