Greiddi hvorki virðisauka né staðgreiðslu

Karlmaður á fimmtugsaldri hefur verið ákærður af embætti héraðssaksóknara fyrir meiriháttar brot gegn skattalögum í rekstri einkahlutafélags sem var í hans eigu og hann stýrði. Var hann ákærður fyrir að hafa hvorki staðið skil á virðisaukaskatti né staðgreiðslu félagsins frá fyrri hluta ársins 2018 fram til janúar 2019.

Samkvæmt ákæru er maðurinn sakaður um að hafa ekki staðið skil á virðisaukaskatti upp á 11,6 milljónir og fyrir að hafa ekki greitt staðgreiðslu af launum starfsmanna félagsins upp á samtals 29,5 milljónir. Samtals skuldar maðurinn því rúmlega 41 milljón krónur.

Er þess krafist að maðurinn verði dæmdur til refsingar fyrir brot sín og til greiðslu alls sakarkostnaðar.

• Blogga um frétt