Vill að jafnaðarmenn fari aftur í kjarnann

Kristrún Frostadóttir, þingmaður Samfylkingarinnar, hefur boðað til opinna funda víðsvegar um landið á næstu tveimur vikum. Fundirnir verða opnir öllum og verður fyrirkomulagið afslappað, að því er fram kemur í tilkynningu.

Kristrún, sem býður sig nú fram í embætti formanns í Samfylkingunni, mun hefja fundaferðina á Akranesi á morgun.

Frétt af mbl.is

Kristrún býður sig fram til formanns

„Ég vil eiga opið samtal við fólk og svara spurningum. Og ég vil segja betur frá þeim hugmyndum sem ég setti fram í Iðnó um daginn þegar ég tilkynnti framboð til formanns. Þær hafa greinilega vakið athygli víða. Ég vil að við jafnaðarmenn förum aftur í kjarnann og náum virkari tengingu við venjulegt fólk um land allt,“ er haft eftir Kristrúnu í tilkynningu.

Hægt er að sjá fundarplan Kristrúnar hér fyrir neðan:

5. september — Akranes

6. september — Ísafjörður

7. september — Eskifjörður

8. september — Akureyri

9. september — Vestmannaeyjar

10. september — Hafnarfjörður og Kópavogur

11. september — Selfoss og Reykjanesbær

12. september — Mosfellsbær

17. september — Breiðholt

18. september — Grafarvogur og Miðborg

• Blogga um frétt