„Ég held að oft séu tónlistarmenn, og sérstaklega jazzarar sem eru oft að pæla í svona nuance-um í tónlist, góðir kokkar. Já, klárlega,“ svaraði myndlistar- og tónlistarmaðurinn Kristinn Arnar Sigurðsson, betur þekktur sem Krassasig, spurður hvort hann áliti tónlistarmenn góða kokka.

Um sé að ræða nákvæmnisvinnu sem bera megi saman.

Kristinn Arnar var gestur Dagmála, frétta- og menningarlífsþáttar Morgunblaðsins þar sem hann fór yfir tónlistina, leikmyndagerð og allt þar á milli.

Kristinn, sem hefur undanfarið gert það gott sem leikmyndahönnuður fyrir tónlistarmenn á borð við Bríeti og Of Monsters and Men, vinnur nú að sinni fyrstu sólóplötu sem væntanleg er í lok árs.

Ítalskur réttur á íslensku hrauni

Færðist samtalið að finnskri Muurikka-pönnu Kristins. „Ég hef mikið verið að taka þetta með mér og elda á eins skrítnum stöðum og hægt er,“ sagði hann. Skildi hann þó gasbrennarann eftir heima, enda nægur hiti frá glóandi hrauninu til að elda.

„Setti pönnuna á góðan stað, storknað hraun þar sem það var bráðið hraun undir. Ég gerði þarna tagliatelle bolognese.“

Ítalskur réttur á íslensku hrauni?

„Já, nákvæmlega.“

Hægt er að sjá viðtalið við Kristinn Arnar með því að smella hér:

Margt líkt með tónlist og matargerð

Instagram-færsla af réttinum fræga:

Tengdar fréttir

Dagmál

„Aðeins stærri vettvangur til þess að gera sig að fífli“

• „Rússar skilja bara hnefann og valdið“
• Efast um að Trump hafi tromp á hendi
• Ræna fólki og neyða í herþjónustu
• Góðir möguleikar á að spila um verðlaun á HM

» Fleiri tengdar fréttir

• Blogga um frétt