Forsetahjónin fagna Danadrottingu

Forsetahjónin Guðni Th. Jóhannesson og Eliza Reid taka nú þátt í hátíðahöldum í tilefni af 50 ára krýningarafmæli Margrétar II. Danadrottningar. 

Hátíðardagskráin hófst með sýningu í Konunglega danska leikhúsinu í Kaupmannahöfn í gærkvöldi. Í morgun var haldið til messu í Frúarkirkju en að henni lokinni snæddu þjóðhöfðingjar Norðurlandanna hádegisverð ásamt konungsfjölskyldunni um borð í hinni konunglegu snekkju Dannebrog.

Hátíðardagskránni lýkur svo með kvöldverði í Friðriksborgarhöll í kvöld.

Frétt af mbl.is

Forsetahjónin á leið í krýningarafmæli Margrétar

Forseti Íslands ásamt Haraldi Noregskonungi, Margréti II. Danadrottningu, Karli Gústaf Svíakonungi og Sauli Niinistö forseta Finnlands um borð í hinni konunglegu skútu Dannebrog. Ljósmynd/Keld Navntoft/Kongehuset

Margrét var krýnd drottning þann 14. janúar 1972 eftir andlát föður hennar, Friðriks XI. Danakonungs. Af sóttvarnarástæðum var hátíðahöldum í janúar frestað til haustsins og vegna andláts Elísabetar II. Bretadrottningar þann 8. september tilkynnti danska konungshöllin að viðburðurinn yrði með lágstemmdari hætti en til stóð.

Frétt af mbl.is

Margrét aflýsir viðburðum

Margrét II. Danadrotting á leið í Konunglega danska leikhúsinu í Kaupmannahöfn í gærkvöldi. Ljósmynd/Keld Navntoft/Kongehuset

• Blogga um frétt