Ráðist á dyraverði í miðbænum

Tveir einstaklingar voru handteknir í miðbæ Reykjavíkur í nótt grunaðir um líkamsárás gegn dyravörðum á skemmtistað. 

Dyravörður á skemmtistaðnum hafði óskað eftir aðstoð lögreglu vegna þessa eftir því sem fram kemur í dagbók lögreglunnar. Hinir handteknu voru fluttir á lögreglustöð þar sem vakthafandi varðstjóri ræddi við þá. Að viðræðum loknum var einstaklingunum sleppt úr haldi.

Alls sinnti lögreglan á höfuðborgarsvæðinu 89 málum frá því seinni partinn í gær og þar til klukkan fimm í morgun. 

„Átta ölvunarakstrar komu inn á borð lögreglu, mikið um hávaðatilkynningar og var talsverð ölvun meðal fólks í miðbænum. Tvær tilkynningar bárust lögreglu vegna mögulegrar byrlunar,“ segir í dagbókinni. 

• Blogga um frétt